Foydalanish shartlari
RoboStep — bolalar uchun robototexnika ta'lim platformasi. Platformadan foydalanish orqali siz quyidagi shartlarga rozilik bildirasiz.
Oxirgi yangilanish: 2026-yil 14-noyabr
1. Kim foydalanishi mumkin
- O'quvchi hisobini faqat ota-ona (yoki qonuniy vakil) yoki o'qituvchi yaratadi. Bola o'zi email bilan ro'yxatdan o'tmaydi.
- Ota-ona va o'qituvchi hisobi uchun 18 yoshdan katta bo'lish talab etiladi.
- Mehmon rejimida hisobsiz foydalanish mumkin — bunda ma'lumot faqat shu qurilmada saqlanadi.
2. Ota-ona roziligi
- Farzand hisobini yaratganda ota-ona uning ma'lumotlari (taxallus, yosh bandi, o'quv natijalari) qayta ishlanishiga rozilik beradi.
- Rozilikni istalgan payt qaytarib olish mumkin: hisob darhol bloklanadi. To'liq o'chirish ham ota-ona panelidan bajariladi.
- O'qituvchi o'quvchi yaratganda maktab yoki tashkilot ota-onalardan tegishli rozilikni olganiga javob beradi.
3. Hisob xavfsizligi
- Parol va bolaning kirish kodini boshqalarga bermang. Kod yo'qolsa — ota-ona yoki o'qituvchi yangisini yaratadi, eskisi darhol ishlamay qoladi.
- Hisobdan shubhali foydalanishni sezsangiz, bizga xabar bering.
4. Ruxsat etilgan foydalanish
- Platforma faqat ta'lim maqsadida ishlatiladi. Hamjamiyat qoidalariga rioya qilish shart.
- Tizimni buzishga, boshqalar ma'lumotiga kirishga, avtomatlashtirilgan so'rovlar bilan yuklashga urinish taqiqlanadi.
- Ligalar va arenada adolatsiz usullar (boshqa birovning hisobidan foydalanish va h.k.) taqiqlanadi.
5. Kontent va intellektual mulk
- Darslar, topshiriqlar, dizayn, mascot «Bo'lt» va logotip RoboStep'ga tegishli.
- O'quvchi yaratgan dasturlar o'quvchining o'ziga tegishli; biz ularni faqat platforma ishlashi (natijani tekshirish, progressni saqlash) uchun ishlatamiz.
6. AI mentor
- AI mentor faqat ishora beradi va baho qo'ymaydi; yakuniy natija deterministik tekshiruv va o'qituvchi bahosiga asoslanadi.
- AI'ga shaxsiy ma'lumot yuborilmaydi. Ota-ona AI mentorni farzandi uchun o'chirib qo'yishi mumkin.
- AI javoblari xato bo'lishi mumkin — shubhali javob haqida xabar bering.
7. Javobgarlik
- Platforma «boricha» taqdim etiladi. Uzluksiz ishlashga harakat qilamiz, lekin texnik uzilishlar bo'lishi mumkin.
- Simulyator — ta'lim vositasi. Haqiqiy robot va elektr qurilmalar bilan ishlash faqat kattalar nazorati ostida bo'lishi kerak.
8. O'zgarishlar
- Shartlar o'zgarsa, sanani yangilaymiz va muhim o'zgarishlar haqida ota-ona va o'qituvchilarga xabar beramiz.
Savollar uchun: [email protected]